Publiku dhe problemet e tij, 1927 është zbatim i doktrinës pragmatiste në fushën e mendimit politik: konceptet themelore politike, gjykimet për politikën, veprimtarinë dhe institucionet, duhet të formulohen nisur nga pasojat që ato prodhojnë e mandej prej tyre mund të shkohet në shkaqe të mëtejshme gjithësesi konkrete; sepse konceptet dhe gjykimet në mendimin politik janë të pamundura nisur nga qasje metafizike, aksiolo gjike etj, për më tepër këto të fundit janë relative dhe nuk mund të shërbejnë si bazë e qëndrueshme dhe e përbashkët e kërkimit. Duket se mendimi i tij pragmatist i shenjuar edhe nga relati vizmi kundrejt vlerave dhe besimi pozitivist te shkenca ka ndikuar thelbësisht mendimin bashkëkohës.