Un libro de fácil lectura. Asistimos á desestabilización dun matrimonio que levaba unha vida na que nunca pasaba nada ata que chegou Olivia, unha ecuatoriana á que contrataron para cuidar da filla do matrimonio e facer as tarefas do fogar.
O autor quere introducirnos no mundo das mafias da emigración, da inxenuidade de moitas das rapazas que veñen a España buscando un mundo mellor.
Tamén xoga coa permisividade das relacións extramatrimoniais de parellas como a de Nico e Carmela. O lector xa non sabe se están xuntos por comodidade ou por amor, alá cada un coa súa moralidade.
É un libro que non formaría parte da miña cabeceira de cama pero que si me levaría de vacacións, ben para ler ao sol ou á beira dunha chimenea. ( )