Antón Riveiro Coello

Catro xeracións dunha familia, incidindo na primeira e, sobre todo na terceira, cuxo protagonista é o narrador de moitos dos capítulos da novela, ademais de ser o autor das cartas diseminadas ao longo do texto que vai escribindo, xa ancián, á súa muller morta, un par de anos atrás.
A estrutura da novela faina moi doada de ler, pero tamén o argumento mantén continuamente as ganas de máis. Outro dos puntos fortes da novela é o recorrido polos acontecementos históricos fundamentais desde finais do século XIX ata finais do XX, destacando anacos do mundo anarquista na provincia da Coruña.
Novela realista que se perde nalgúns momentos en detalles que suspenden o pacto ficcional có lector, baseada en gran medida, segundo conta o mesmo autor ao principio, na memoria oral recollida nas zonas do Burgo, Vilaboa e Celas de Peiro.
Outro autor moi atento coa linguaxe, o que é moi de agradecer.… (mehr)