توفيق الحكيم واخد لقب عدو المرأة مش من فراغ
الاسلوب جميلة كالعاده , توفيق الحكيم فعلا يقدر يعمل من الفسيخ شربات
الرواية عموما بتدور حوالين الصراع بين المبادئ والقيم اللي بيمثلها شخصية الاديب في الرواية و الجسد ا الانحطاط زي ما هو شايفه اللي بتمثلها الست المستهترة في الرواية
من طريقة عرضة بيقول ان الستات هما اساس الغواية والست هيا اللي بتحدد وتقرر انها تختار
وانه شايف ان الست محتاجه لاديب او مفكر ايا كان يرشدها علشان يغير اهتمامها من الاهتمام بالمظهر والجري ورا الملذات الجسدية للاهتمام بالثقافة والملذات المعنوية
كلام حلو بس الموضع عمره ماكان كدا ابدا مش بالبساطة دي ولا كان بالاسلوب دا
لو في غواية يبقي الراجل اكيد له دور , الراجل مش مسلوب الاراده يعني , الراجل له اراده حره بيختار بيها , كون انه اختار يعيش حياة الرهبنة ويبعد عن الاتزان اللي ربنا حدده والموازنه بين الحس والجسد , خلاص هو حر بس مايرجعش يشتكي بقي ويرمي الذنب علي غيره
الله يرحمه شكله اتلسع من الشوربة ( )