HYSAMEDIN FERAJ

Ky është një filozofim lokal i një filozofie të pafilozofuar. Nëse popuj të tjerë kanë kaluar përvoja të ngjashme, ndoshta mund të vlejë dhe për ta. Nuk synohet krijimi i ndonjë filozofie të re, por vështrimi i realiteteve të ndryshme nga filozofi të ndryshme ekzistuese. Është si një dhomë pasqyrash që pasqyrojnë pamje të ndryshme të së pasqyruarës. Por, e pasqyruara ka mundësinë të zgjedhë pamjen që i pëlqen, duke krijuar kësisoj veten.