Chomsky er ötull gagnrýnandi stefnu Bandaríkjastjórnar í mannréttindarmálum og stjórnmálum. Í þessum tveim fyrirlestrum dregur hann fram dæmi um tvískinnung BNA varðandi mannréttindarmál þar sem mörg verstu brot í þeim málaflokki eru framin af ríkisstjórninni á sama tíma og hún fordæmir oft veigaminni brot annarra þjóða. Í seinni fyrirlestrinum beinir Chomsky sjónum að fyrri innrásinni í Írak og hvernig Saddam Hussein hafi í raun verið náinn bandamaður BNA og vel studdur af ríkisstjórninni þrátt fyrir fjöldamorð hans á t.d. Kúrdum. Það var ekki fyrr en hann hreyfði við olíunni í Kuwait að mannréttindabrot hans voru týnd til sem ein af nauðsynlegum ástæðum innrásarinnar. Hæðni Chomskys og skörp gagnrýni er oft á tíðum óborganleg og vel þess virði að hlýða á þessa fyrirlestra. ( )